«Սիրելի՛ «Ալեմշահ» երգչախումբ, հարգարժան համայնքապետեր ,
հոգեւոր հայրեր,
եւ սիրելի՛ հալէպահայեր,
Այսօր իմ հոգիս լեցուն է անսահման յուզումով, հպարտութեամբ եւ երախտագիտութեամբ։ Լսել Խորէնեան Սրբազան Պատարագը ձեր մաքրամաքուր ու ջերմերանդ ձայներով՝ Հալէպի հայ Կաթողիկէ Ս. Երրորդութիւն եկեղեցւոյ նուիրական կամարներուն տակ, պարզապէս երաժշտական կատարում մը չէ․ ասիկա մեր հաւաքական աղօթքն է, մեր հաւատքն ու ազգային ոգիի յաղթանակը։
«Ալեմշահ» երգչախումբի 80-ամեայ հարուստ ու վաստակաշատ պատմութիւնը ինքնին հրաշք է։ Ութ տասնամեակ շարունակ դուք եղած էք հայ երգի ու հոգեւոր մշակոյթի անմար ջահակիրը Հալէպի նուիրական հողին վրայ՝ սերունդներ դաստիարակելով եւ մեր ազգային ողնաշարը պահելով ամուր ու անսասան։
Այսօր, երեք համայնքապետերու եւ հոծ բազմութեան ներկայութեան, ձեր հնչեցուցած յաւերժական աղօթքով դուք անգամ մը եւս փաստեցիք, որ Հալէպը կը մնայ հայ մշակոյթի ու հոգեւոր կեանքի անխորտակելի ամրոցներէն մէկը։
Իմ խորին շնորհակալութիւնս, սէրս եւ օրհնութիւնս կամպելով ձեզի՝ ձեր նուիրեալ խմբավարին, վարչութեան եւ յատկապէս «Ալեմշահ»ի իւրաքանչիւր երգիչին։ Ձեր ձայները թող միշտ հնչեն բարձր, շարունակեն միացնել մեր համայնքները եւ փառաւորել մեր մշակոյթն ու հաւատքը։
Վարձքերնիդ կատար, յանուն նորանոր յոբելեաններու եւ յաղթանակներու»։